Wi Plattsnackers Düütsch Äwern sünd in’n Oktober 1997 ierstmaals tohoop kamen un hebbt uns to’n Ziel sett, de plattdüütsche Spraak in uns Gemeen to fördern. Snackt all interessierten Lüüd an un snackt mit jou’n Kinner un Enkelkinner Platt, nur so köönt wi disse schööne Spraak ook in Tokunft erholen.
Snack Platt ! - Platt schall leven ! Snackst keen Platt, fehlt Di wat !
Wi sünd keen Club un keen Vereen, poor Lüüd bloots hebbt hier lütte Plichten, un ook de Bidrag speelt keen Rull, dor köönt wi op verzichten.
Wi sünd üm un bi fiefuntwintig Mannslüüd un drept uns eenmaal in’n Maand, jümmers an’n letzten Dünnersdag üm Klock 17:00 Uhr in’n Landcafé Tiergarten Düütsch Äwern.
Dor ward denn Geschichten vörlest, vun oole Tieden vertellt un natürlich ook düchtig sungen. Tweemaal in’n Johr geiht dat op Tour. Meisttiets makt wi Städte- / Kulturreisen.
Mihrere öffentliche Optritte hebbt wi ook al hat, wi bi de Landesgoornschau 2006 in Winsen / Luhe, T.NT. Lümborg, Heimatvereen Karkgellsen,
Samtgemeen Ilmenau un siet Johrn ook bi de Plattdüütschen Gottesdeenste in uns Martinus Kark, usw. Maandlich schrievt wi eene Plattdüütsche Geschicht för dat Samtgemeenblatt - Ilmenau Aktuell.
Wer an uns Avende Interesse hett, kann ook geern maal bi uns rinkieken !
Heinz Elvers
Lüüd vun de Plattsnackers Düütsch Äwern