Info
Wi Plattsnackers Düütsch Äwern sünd in’n Oktober 1997 ierstmaals tohoop kamen un hebbt uns to’n Ziel sett, de plattdüütsche Spraak in uns Gemeen to fördern.
Snackt all interessierten Lüüd an un snackt mit jou’n Kinner un Enkelkinner Platt, nur so köönt wi düsse schööne Spraak ook in Tokunft erholen.
Snack Platt! - Platt schall leven!
Snackst keen Platt, fehlt Di wat!
Wi sünd keen Club un keen Vereen, poor Lüüd bloots hebbt hier lütte Plichten, un ook de Bidrag speelt keen Rull, dor köönt wi op verzichten.
Wi sünd üm un bi fiefuntwintig Mannslüüd un drept uns eenmaal in’n Maand jümmers an’n letzten Maandag üm Klock 19:00 Uhr in’n Landcafe´ Tiergarten Düütsch Äwern.
Dor ward denn Geschichten vörlest, vun oole Tieden vertellt un natürlich ook düchtig sungen. Tweemaal in’n Johr geiht dat denn op Tour. Meisttiets makt wi Städte- / Kulturreisen.
Mehrere öffentliche Optritte hebbt wi ook al hat, wi bi de Landesgoorn- schau 2006 in Winsen / Luhe, T.NT. Lümborg, Heimatvereen Karkgellersen, un siet Johrn ook bi de Plattdüütschen Gottesdeenste in uns Martinuskark, usw.
Wer an uns Avende Interesse hett, kann ook geern maal bi uns rinkieken !
Neven all düsse Vorhaben, geevt wi uns düchtig Möh, dat de Kinner ut uns Dörp Plattdüütsch lehren. Vun Harvst bet Fröhjohr, jümmers Freedag un dat nu al över veele Johrn, ünnerricht een ut uns Reeg, Schölers ut de 3. un 4. Klass vun de Grundschool Düütsch Äwern in uns schööne Plattdüütsche Spraak.
Lüüd vun de Plattsnackers Düütsch Äwern
